List fyrir alla og Bubbi Morthens tóku höndum saman og buðu unglingum í grunnskólum landsins til þátttöku í nýju íslenskuverkefni. Málæði er ætlað að hvetja ungt fólk til að tjá sig á íslensku í tali og tónum. Skilaboðin eru þau að tungumálið tilheyri okkur öllum – það megi leika sér með það. Þátttakendum gafst möguleiki á að vinna með þekktu íslensku listafólki að tónlistar- og textasköpun. Afraksturinn var opinberaður á RÚV í viku íslenskunnar 11. – 16. nóvember 2024.
Málæði var sýndur á RÚV á degi Íslenskrar tungu þann 16 nóvember 2024. Afraksturinn var opinberaður í þættinum þar sem þau Bubbi Morthens, GDRN, Emmsjé Gauti og Vigdís Hafliðadóttir koma fram. Hér að neðan er hægt að horfa og hlusta á lögin frá þættinum á RÚV.
Hljóðblöndun og Hljóðjöfnun: Addi 800 Hljóðblöndun: Sæþór Kristinsson
Útsetningar: Vignir Snær Vigfússon
Bubbi Morthens samdi lagið Sumarið ’24. Yfir hundrað textar bárust frá unglingum í 8. – 10. bekk og Bubbi kjarnaði þá texta niður í einn.
Hér flytur GDRN lagið Riddarar kærleikans. Bakraddir: Nemendur í unglingadeild Grunnskólans austan Vatna. Lag og texti er samið af Dagmar Helgu Helgadóttur og Valgerði Rakel Rúnarsdóttur og unnið áfram með unglingadeild Grunnskólans austan Vatna á Hofsósi. Kennari: Vala Kristín Ófeigsdóttir.
Hér flytur Emmsjé Gauti lagið Tíminn sem fór. Lagið er samið af Emil Andra Davíðssyni og Erni Heiðari Lárussyni. Textinn er saminn í samstarfi við unglinga í bekknum 10. SGP í Brekkuskóla. Hljóðblöndun: Sæþór Kristjánsson Kennari: Sigríður G. Pálmadóttir
Hér flytur Vigdís Hafliða lagið Hringiða. Lagi og texti er samið af hljómsveitinni Kanskekki í Grunnskólanum í Húnaþyngi Vestra. Kanskekki samanstendur af Emelíu Írisi Benediksdóttur, Freydísi Emmu Vilhelmsdóttur, Ronju Granquist Haraldsdóttur, Valdísi Freyju Magnúsdóttur, Ísey Lilju Waage og Rakel Ölvu Friðbjörnsdóttur. Kennari: Valdimar Halldór Gunnlaugsson.
Reviews for Málæði 2024